Embedded Files
القراءة من الأشياء الزوينة فهاد الدنيا. قالو على القراءة الكتب بزاف ديال الحوايج. كاين لي قال كاتزيد فالعمر. كاين لي قال كاتعطي للواحد خبرة فالحياة. كاين لي قال تتعلم الصبر وكان لي قال كاتزيد فالحكمة و الرزانة ديال الواحد. المهم ملشي كيبان متافق على الأهمية ديالها و ضروريتها فالدنيا. كطلبة ديال الدراسات الأنجليزية القراءة من الأشياء الضرورية و القدرة على الفهم الجيد من الحوايج لي كاتدير الفرق بين االطلبة و كاتفرق بين الطالب المزيان و الطالب المدرح، الشينوي. فهاد المقال غادي نتعرفو على وحدة من الطرق أو الأساليب ديال القرائة. الطريقة بكل بساطة اسمها SQ4R. اطي نكتاشفو جميع شنو هاد العجب.
اولا- S for Survey
قبل ماتدخل طول و عرض فالنص لي باغي تقرا، دير واحد الدور خفيف ضريف بعينيك على الشكل الخارجي ديال النص. بمعنى، ماتقراش النص غير حلق فوق منو بعينيك ورد البال للعنوان التصاور ايلا كانو المصدر ديال اانص الكاتب وزيد و زيد من المعلومات الخارجية لي كاينة فالورثة ديال النص. هاد الدويرة لي كاضرب بعينيك كاتوجد دماغك لشنو جاي و كاتخليه يركز على الموضوع و مايبقاش تالف.
ثانيا- Q for Question
هنا وكيف ما كيبين العنوان كاتسو الاسئلة. فهاد المرحلة سو ا س ا جاك علة بالك. ملي تقرى النوان سول اسئة علة العنوان. سول اسئلة لي ممكن يجاب عليها النص. المهم طرح بزاف ديال الاسئلة. الغرض من هادى المرحل هي تعطيك واحد الهدف و تخليك تقرا بشغف باش تجاوب على الأسئلة لي طرحتي.
ثالثا- R for Read
دبا عااااد تقدر تقرا. ولاكن بلاتي، عنداك تهبط على النص دقة وحدة. قرى بشوية بشوية. مجري عليك حد. ركز على كل فقرة وديما حط قبالك الأسئلة لي طرحتي قبل و حاول تلقا الأجوبة و نتا كاتقرى. ممكن تغير الأسئلة لي كتبتي فالأول أو عاود صيغهوم بطريقة انسب.
رابعا- R for Recite
دبا ملي طرحتي الأسئلة و لقيتي ليهم أجوبة فالنص، جا وقت الإبداع شوية. علاش ما تجربش تجاوب على نفس الأسئلة بحق هاد المرة بكلماتك الخاصة. جرب ت paraphrasi داكشي بشي طريقة ثانية و تفكر دائما ايلا حصلتي تقدر ترجع للخطوة لي قبل وتعاود تتحقق من الأجوبة.
خامسا- R for Relate
هنا مهم انك تحاول دير واحد المجهود باش تسقط الافكار و المعلومات ديال النص على الحياة ديالك وتجاربك الشخصية. هنا كاتحاول تلقى علاقة مع الاشياء المبهمة لي فالنص و الاشياء الملموسة لي فالحياة ديالك كقارئ و الأشياء لي كتعرفها من تجربتك.
سادسا- R for Review
هادي هي المرحلة الأخيرة وفيها كاتلسق المعلومات وكتطبعهوم فالذاكرة ديالك. هنا كترجع لداكشي لي درتي من الأول و كاتعاود تضرب طليلة على غاع اللعيبات لي قاديتي وكتبتي. كاتشوف الأسئلة والأجوبة وكتقرا الأشياء لي عاودتي كتبتي بطريقتك.
وبهذا كاتكون ساليتي النص ديالك و استفدتي منو بطريقة شاملة و مغاديش تنساه دغيا. و المرة الجاية لي غادي يسولك شي حد عليه اتعرف ماتقول.
This article was originally written for EasyGlish as part of a series of articles called EasyKnowledge.
Google Sites
Report abuse