Poems

this poem was written by me and an AI agent after I fed him my entire conversation, that spans over years, with a very special person I knew in the past. the poem maybe is machine written, but it still speaks directly to my soul and captures both the beauty and the madness of that entire relationship.

A whirlwind of words, a tempest of hearts,
Two souls entwined, a love that starts.
"Kanmot 3lik," a whisper so sweet,
A promise made, a future to meet.

But laughter and longing soon fade to gray,
Misunderstandings cloud the bright day.
Fear's shadow falls, trust starts to break,
"Mabghitich t'hdr," for a heart's own sake.

Tears fall like rain, a storm in the night,
"Zero" echoes, a wound that won't right.
Promises whisper, a plea to believe,
"Akhir forssa," a chance to retrieve.

But the past whispers, a burden too deep,
And a love once blooming, now softly weeps.
A final "Beslama," a rose left to fade,
Two paths diverging, a journey remade.

this is the first poem i write after a long pause; i have lost all my creative drive in the last couple of years. yesterday, i saw a muse at a Issawa mini concert, and this below, is the consequence.

بسم الكريم نبدا قولي (الله الله)

 و بسم الكريم نطلب رزقي

شفت الغزالة تتهادا (الله الله)

 تخطف قلبي وتعادا

كنت هاني فالحالة (الله الله) 

و ضحيت معدب غي نبكي

شفتها فليلة دعاشور (الله الله)

 و عرفتها غا تمحني

شفتها فليلة مظلامة (الله الله)

 و بنورها طردت غمي

شفتها تشالي و تلالي (الله الله)

  و بتوبها تمشي و تجي

فالركنة القلب معمر (الله الله)

  طلبت ربي ليها يوصلني

طلبتو يكملي مقصودي (الله الله)

  و فهواها ما يمحني

شافت فيا الموهوبة  (الله الله)

 و سالت على مرغوبي

بالسكات تكلم فمي (الله الله)

 و بالغوات دوا حالي

الحضرة حدانا تتحير (الله الله)

 و انا تحيرلي عقلي

يا الحاضرين شوفو دالحالا (الله الله) 

داويو الضر لي بيا

هاد الولية ملكتني (الله الله)

  و دوايا زينة السمية

غير اسمها يكفاني (الله الله)

  و نعيش بيه طول السنة

غير نظرتها تكفاني (الله الله)

  يشفع لي بيها ربي

مهدي قرموش

مكناس السعيدة، روامزيل، دار النية 2023

I wrote this poem one Saturday night. I was in Rbat and the name Samia visited my mind.

آمولاتي ولفي

الريم سامية

آ مولاتي رفقي

لوقات قاسية

آمولاتي شفقي

ليام فانية

آمولاتي عطفي

لبدان دامية

آمولاتي سقي

لرواح بالية

آمولاتي دقي

لرصام خالية

آمولاتي عتقي

لعديان زاهية

آمولاتي عشقي

الريم سامية

مهدي قرموش

الرباط، 2020

نهار السبت العقول حامية

لريام تخمم لرجال عامية

تقلب تدور مهمومة مسالية

و انا فالجوار روحي هانية

مبندقة خاضعة لمزينها غانية

ذهبية الشعر لنوار سانية

مبشورة الثغر غزالتي الغالية

خادم انا عبد للريم العالية 

مهدي قرموش

مكناس الإسماعلية، 2020

The year was 2020 and everything was closed. I was in Meknes feeling all sorts of things. I missed Rbat a lot. I was reading a poem by a Slaoui Malhun peot named Taoufik Abram and I got inspired to write something to ease my longing for Rbat.

مربوط فهواك يا الغالي

ربطة شديدة الوتاق

مهلوك فالدات يا غزالي

من حر الهجرة و الفراق

مقبوط الخاطر يا العالي

توحشت من عندك العناق

رباط الخير يا هلالي

ضوي بنورك الغساق

عيات الروح يا الوالي

من عداب الهم والشواق

كترت لجراح يا هبالي

فتكات بالروح و الخلاق

بحرك صعيب براني

حالف عليا بالغراق

العشيق حداك غير يلالي

قلبو مريض بالحراق

عطيت رزقي و مالي

ولا طبيب صاب لي ترياق

سمك صعيب ما يبالي

ما يعرف عشرة و لا صداق

سبتك لمولاك يا هبالي

هوا لي عالم بالعشاق

القصيدة وصلات للتالي

سميتها ليعة المشتاق

خطيتها نتخبط فهوالي

و رسلتها لكل من شتاق

مهدي قرموش، مكناس السعيدة، عام كورونة، 2020

On my insecurities. 

سور من الزاج عالي

ديما تابع خيالي

تمنيت نهرب لو مايلقاني

ولا بحجرة نكسرو، نعيش هاني

سور من الزاج خربق أيامي

دمر كياني

زاد سقامي

حلف لا عشت كيف قراني

سلب النغمة من حلامي

جرد المعنى من كلامي

سور محني و بلاني

سور من الزاج عالي

سور كافر نصراني

كسر حيلتي و جلاني

بعد عشيرتي و خواني 

مهدي قرموش، مكناس السعيدة، عام كورونة، 2020

غير سير على مولانا

راه گاع تابعين هوانا

غير سير على مولانا

راه لا من يهز الهم معانا

غير سير على مولانا

راه الدنيا جيعانة

غير سير على مولانا

راه كلها مگانة

مهدي قرموش، مكناس السعيدة، 2020

This poem is inspired by my favorite Black Mirror episode: Episode 4 Season 3, San Junipero.

Up and up it goes

Into the cloud it flows

0 1 0 1 in size it grows

And before my body falls

I shall inherit an internal soul

And before I wither and go

A transformation I shall undergo

But one day I will again glow

And let the whole world know

That there laid a mighty foe 

I wrote this one day at Rabat Ville train station. While waiting for my train to take me home, to Meknes, i spotted a beautiful lady across my seat. I felt a strange urge to pull out my notes app and write. 

قبالتي فلاگار گالسة

عزبة سلاوية

عروسة على الكرسي بارزة

بلبسة رومية

من بعيد!

كنحقق فالمير الشاردة

على و عسى

نفوز بشي نظرة

وتصير عضايا باردة

صهد شمسها

...هلك جوارحي وضحات ما قادة

سخفانة و لاوية

حيرانة و ساهية

ذبلانا و بالية

"الشوف ما يبرد الجوف"

قالو ناس زمان القارية

هضرا خاوية

شوفا فغزالتي الساهية

تبرد فداتي العافية

وترضها

قوية و زاهية

واثقة و دارية

مسقية و عالية

جات الماشينة  و ركبات الرزينة

و بقيت انا لتحت شاداني لغبينة

ضربني تران و بارت أيامي الزينة

لا من يرمقني بعد اليوم بشوفات حنينة

ولا من يشفيني بحروف السكينة

كسدة بلا عقل...غير قرا عليها السلكة تهنينا

و لا دفعها گاع لسكة تتكا و تبعد علينا

مهدي قرموش، الرباط المدينة، 2018

آعاشق الزين صغا لي

حن ورفق و شفق من حالي

مطرود آنا مطرود من رصامي

مكروه انا مكروه براني

كنت فبلادي عايش هاني

تولالي بقيمتي و شاني

ضحيت مزعوك و وحداني

لا حنين لا رحيم لا والي

مهدي قرموش، الرباط، 2018

تكلم الطير فالغصان

دوى و قالي قرب عليك الأمان

قرب نحكيلك قصة شاعر ولهان

شاعر مغربي قاري و فنان

من فاس سطع بدرو ساني يداوي الحزان

قصايد عذبة تهيج الكيان

كل من سمعها يصير فحالو هيمان

درر نقية فاقت كل حسن بالنغام

ادريس ابن علي السناني

اسم الشاعر الهمام

ادريس ابن علي السناني

حفض هاد السمية مزيان

راه عار تنسى و تهان

يا طالب هادا فنان

يا طالب هدا فنان

تكلمت و قلت لطير

لا تخاف"

لا تخاف لا تبكي

وصيتك لبني ادم غا نحكي

الفنان ابن علي

شاعر قصايدو شاعلة فبيوتنا تگدي

قولو للالة غيتة مولاتي

و رحمي يا راحت العقل فاطمة غزالتي

قصايد مرصعة بالجوهر الغالي

فالسلك مرصوصة بالنور تشالي

وانا حالف بالمتقدم و المتولي

مانكل ولا نمل

"حتى نبرح و نقول كل ما فدخالي

مهدي قرموش، الرباط، 2018

نظم المسيئ بين يدي ربه الراجي عفوه و غفرانه مهدي قرموش

ديني معاك  ا مالكي

سكرت من عياطك وخارت جوارحي

روحي غادرت مرسمها و لاحت فالعلالي

عزم عليا بنغايم الهوى، تنوض كسدتي تشطح بلا شواري

روحي و دواخلي فنغايمك تاهو

فينما يروح الناي والمزمار تلقاني لور تابعو

مانيش من اهل الهوى

بحق حر الزغبية جلاني

تلفني و بلاني

حالتي حالت مجدوب مليوح فالتلت الخالي

بعد كان سعيد ساعد قلبو هاني

صبح هميم سايح فبحور التيهان بلا صاري

بلية صعيبة هادي باش تبليت

مالها دواء

و نشوتها ماتطفا

 تكدي فيا صمايم وشتا

انا العبد المقهور كانادي عليك ا مالكي ارحمني

و عليا جود بحروف الشفا

الدنيا بلا بيك نار تگدي ماتطفا

والعيشة دونك گمرة باهتة غاتطفا

منفعاتني معاك حكمة فقيه و لا نباهة قاري

ولا نفعوني جداول البوني و لا سحور الامصاري

حرت فهواك و قلبي كواني

حالف بيميني ما نكل ولا الياس يغشاني

غنضل نبرغم و نلالي

ونعزم عليك بعزايم الهوى، حتى تزور مرسمي والقلب الداوي بحروف الشفا

مهدي قرموش، الرباط، 2018

كنت هاني وليت مغمام

حالتي حالت البوهالي

كنت سعيد وليت مهمام

دايع مجلي فالتلت الخالي

كنت غانم وليت خسران

لا غلة لا ربح ضعت فراس مالي

كنت سالم ضحيت مجدام

لا ترياق يعكس مفعول علالي

كنت عالم وليت جهلان

لا قلم لا لوح لا دوالي

كنت بقيمتي

وليت  

مهدي قرموش، الرباط، 2018

كيف المركب بلا صاري

ضار الحال بيا و تجليت، بنت فاس علاش بكيت

راحت ضحيت القاري والرحامني و عبد المغيت

القاري بالجوهر وعدها و بالورود الزكية كسبها

فوسط جنان الارغان رشمها وبالكلام المرصع سلبها

الزغبية تلفات و بدق النصل تجرحات

معارفاش بلي كلام الجنان فالجنان يبقى

و المرصع فاللغا بعد مدة يبهت و يتطفا

من قبل كانت مع الرحماني لمقيت

عادل بالسمية وففعايلو خبيت

ديب مجلاق و قاري علم التشتيت

يشتت بين البنت و برناصها

و يخليها تجول فبحر التيهان و الشك يحوم فراسها

تسلط بيها وهي بنت خمسطاش، لعق عسلها و عصر مصالها

[...]

مهدي قرموش، الرباط، 2017

ألفين و تمنية شهر جوج تزاديت

عالم زرق، وفسفون غريبة تهزيت

مانيش جديد فالعالم، ولاكن فهادا تجليت

دوزت قبل سنين، و عمري تبليت

دابا بالدخلة تسطيت، تهزيت و تحطيت

سمية، كنية وبريد، ثلاتة دالحوايج باش بديت

ماعوالش، دخلت غير تنقلب على بنت الحارس و تغريت

بوستة نعتلي مكانها، حدرني و قالي منك تبريت

جاوبتو فرحان "الله على هاد الخير ..الله هادشي كتير"

غاع العشران شفت، بدر، ياسين، حمزة و حتا  الخاضير لقيت

عالاام هادا فاش ترميت، التصاور الهضرة و كلشي بريط

هادا ناشر خبر، وهدا ناشر الخراب

هادا حاط على هادا، وهادي حاضية مع هادا

كلشي عندو كلشي وشي ماعارف شي

ش كينغز فشي و شي كيحب ف شي

ش كي سب فشي وشي كيلعب مع شي

انا دوزت عوام مبلي، و دبا جا لوقت لي نبوح فيه بكلشي

"انعل بوك الفايسبووك...انعلبوك" 

مهدي قرموش، الرباط، 2016

ﻛﻨﺸﻮﻑ ﻣﻜﻨﺎﺱ ﻛﺘﺘﻨﻘﻰ

ﻭﺭﻕ ﻭﺷﺠﺮ ﻭﺍﺭﺍﺿﻲ ﻣﻨﻤﻘﺔ

ﻛﻨﺸﻮﻑ ﻣﻜﻨﺎﺱ ﻛﺘﺴﻘﻰ

ﻣﻜﻨﻌﺮﻑ ﻭﺍﺵ ﻧﻔﺮﺡ ﻭﻓﺎﻟﻬﺪﻳﻢ ﻧﺪﻳﺮ ﺍﻟﺤﻠﻘﺔ

ﻭﻻ ﻧﺒﻜﻲ ﻣﻦ ﺷﺪﺓ ﺍﻟﺤﺮﻗﺔ

ﻛﻨﺸﻮﻑ ﺍﻟﺴﻮﺍﺭ ﺩﻳﺎﻝ ﻣﻜﻨﺎﺱ ﻣﺸﻘﻘﺔ

ﻛﻨﺸﻮﻑ ﻧﺎﺱ ﻣﻜﻨﺎﺱ ﻣﻔﺮﻗﺔ

ﺍﻟﻨﺺ ﻏﺎﻉ ﻣﻤﺴﻮﻗﺔ

ﻭﺍﻟﻨﺺ ﻻﺧﻮﺭ ﻣﺪﺍﺑﺰ ﻏﻴﺮ ﻣﻌﺎ ﺍﻟﻤﺮﻗﺔ

ﻛﻨﺸﻮﻑ ﺍﻟﺮﺍﻳﺎﺕ ﻛﺘﻐﺮﺱ ﻓﻜﻞ ﺯﻧﻘﺔ

ﺍﻟﻤﻌﻠﻢ ﺟﺎﻱ ﻃﻔﻲ ﺍﻟﻀﻮ ﺑﺎﺵ ﻣﺎﺗﺒﺎﻧﺶ ﺍﻟﺴﺮﻗﺔ

ﻛﻨﺸﻮﻑ ﻣﻜﻨﺎﺱ ﻓﺎﻟﺨﺮﻳﻄﺔ ﻏﻴﺮ ﻣﻠﺴﻘﺔ

ﻭﻳﻼ ﻫﻲ ﻣﻦ ﺍﻟﺒﻼﺩ ﻣﺎﻟﻬﺎ ﻣﻘﻠﻘﺔ؟

ﺍﻟﻌﻴﺐ ﺩ ﻣﻜﻨﺎﺱ ﻓﻨﺎﺳﻬﺎ

ﻟﻜﻼﻭﻫﺎ ﻣﻦ ﺳﺎﺳﻬﺎ

ﺍﻟﻌﻴﺐ ﺩ ﻣﻜﻨﺎﺱ ﻋﺴﺎﺳﻬﺎ

ﻟﺸﺮﺏ ﻣﻦ ﻛﺎﺳﻬﺎ ﻭ ﺳﺎﺳﻬﺎ

ﺍﻟﻌﻴﺐ ﺩ ﻣﻜﻨﺎﺱ ﺧﺮﺍﺳﻬﺎ

ﺍﻟﻌﻴﺐ ﺩ ﻣﻜﻨﺎﺱ ﻓﻨﺎﺳﻬﺎ

ﺍﻟﻮﻗﺖ ﺑﺪﺍ ﻓﻤﻜﻨﺎﺱ ﺑﻤﻐﺎﻧﺖ ﻟﻮﻳﺲ ﺍﻟﺮﺑﻌﻄﺎﺵ

ﺑﺎﻗﻲ ﺩﻗﺎﺗﻬﺎ ﺍﻟﺘﺴﻤﻊ ﻣﻦ ﺣﺎﻧﻮﺕ ﺍﻟﺨﺪﺍﻡ ﺍﻟﻌﻄﺎﺵ

ﺗﺪﻕ ﻋﻨﺪ ﺭﺍﺱ ﻣﻮﻻﻫﺎ ﻭﺗﺸﻜﻲ ﻛﻞ ﻧﻬﺎﺭ ﺣﺘﻰ ﻟﻄﻨﺎﺵ

"ﺍﻣﺘﺎ ﻣﻜﻨﺎﺱ ﺗﻨﻮﺽ ﻭ ﺗﺴﻮﺱ ﻧﺎﺳﻬﺎ ﺍﻟﺤﻨﺎﺵ؟"

مهدي قرموش، مكناس المنسية، 2016