How to write a narrative essay

كيفاش تكتب مقال سردي

السرد أو المقالات لي كاتعاود على شي قصة او حدث معين هما من الانواع المعروفة بزاف. فهاد المقال غادي نتعرفو على بعض الtips لي غادي يعاونونا فالكتابة ديال مقالة سردية مزيانة. السرد هو فن اكثر من انه مجموعة ديال الخطوات التطبيقية. كاين فينا لي حكواتي بالفطرة و كاين فينا لي كاتجيه قاسحة يعاود على شي حاجة واخة تكون وقعات ليه غير لبارح. جميع فهاد الpost غادي نتعرفو على المقادير ديال مقال سردي مزيان. وغادي نكتشفو جميع الطريقة لي بيها نقدرو نضمنو بيها مقال مرصوص على حقو وطريقو. نبداو على بركة الله.

أولا: القصة

فالأول كاينة القصة.... فالأول كاينة حكاية....فالأول كاينة حادثة. بالرغم من أن هاد الفكرة كاتبان بديهية، بحق راها مهمة. مايككنش ليك تكتب و أو تبدع من فراغ. الإبداع غالبا كي جي من الإنفجار ( هادي فخاطر الناس

ديال دايدارا)....هههه بحق راه بصح نيت الإبداع ضروري ماكاينفاجر من شي إلهام خارجي. غالبا فالكلية، القصة غادي تفرض عليك شيء لي كيخلي العنصر ديال الإلهام يغيب. ولكن واخة القصة تفرض عليك كاين طرق لي من خلالها تقد تشد أي قصة أو حادثة و تتذوقها مزيان:

• تخيل الحادثة فدماغك

• تبع تسلسل الأحداث (من الأفضل تستعن بالزمن)

• تخيل شي شخص قبالتك و عاود ليه القصة

ثانيا: الشخصيات

من أهم الركائز ديال أي قصة سردية هما الشخصيات. الشخصيات هما المحرك الأساسي و القوة الدافعة لي كاتخلي الناس يهتمو بشي قصة او يسمحو فيها. كل ما كانت الشخصيات مثيرة و محبوكة كلما كانت القصة مشوقة. الشخصيات المتقونة الكِتابة هي الشخصيات لي كاتوفر فيهم بعض من الأشياء التالية:

• وصف مدقق للمظهر الخارجي.

• وصف نفسي مدقق للشخصية.

• وصف الأشياء لي كاتعجب الشخصية.

• وصف دقيق لخلفية الشخصية.

ثالثا: المكان

كيف ما غادي تكونو لاحضتو، المقالات السردية و المقالات الوصفية كيتلاقاو فبزاف ديال النقط و هاد القضية طبيعية و يمكن تفسيرها بكون الوصف و السرد وجهان لعملة وحدة. باش توصف واحد الحاجة خاصك تسرد قصة عليها و باش تسرد قصة خاصك توصف المكان و الأحداث. لذلك فهاد الفقرة ديال المكان ممكن الاستعانة بالأشياء لي تذكرات فالمقال المخصص للوصف (رجع للمقالات لي دازو). حاولو ما أمكن تقربو المكان للناس. السرد او عملية الحكاية باش تكون  ناجحة خاصها تحاول تحفز اكثر قدر من الحواس عند المتلقي. ونتوما كاتسردو حاولو تعطيو معلومات حسية بحال نوع الرائحة الموجودة فداك البلاصة او الملمس ديال الأشياء و لا حتى الموسيقى لي فالخلفية. غاع هاد المعلومات غادي يساعدو القارئ انه يكون فكرة كاملة على البلاصة فين الحدث كايدور.

كيف ما قلنا فالأول ديال المقال، السرد هو فن اكثر من كونو مجرد مجموعة من الخطوات.لذلك باش تولي حاكم تقنيات السرد خاصك تقرا و تتعرض لبزاف ديال المقالات السردية. فقط من خلال هاد الطريقة تقدر تكون مهاراتك السردية وتشحذها.